Yanvarın 26-da Prezident yanında Kütləvi İnformasiya Vasitələrinin İnkişafına Dövlət Dəstəyi Fondu və Azərbaycan Respublikası Müəllif Hüquqları Agentliyinin birgə keçirdikləri "İnformasiya cəmiyyətində müəlliflik və digər əqli mülkiyyət hüquqlarının mədəni, iqtisadi və hüquqi əhəmiyyəti" mövzusunda fərdi jurnalist yazıları müsabiqəsinin nəticələri açıqlanıb, qaliblər mükafatlandırılıblar.
Modern.az xəbər verir ki, tədbirdə Müəllif Hüquqları Agentliyinin İdarə Heyətinin sədri Kamran İmanov, Fondun icraçı direktoru Vüqar Səfərli, Milli Məclisin deputatları, müxtəlif nazirlik və komitələrin məsul vəzifəli əməkdaşları, habelə ölkənin 20-dək aparıcı kütləvi informasiya vasitələrinin rəhbərləri və mükafatlandırılan jurnalistlər iştirak ediblər.
Vüqar Səfərli müsabiqəyə 22 kütləvi informasiya vasitəsindən 35 yazının təqdim edildiyini, yazıların Fondun 3, Müəllif Hüquqları Agentliyinin 1 nəfər eksperti tərəfindən qiymətləndirildiyini bildirib. İcraçı direktor ekspertlərin yekun qərarına əsasən, 6 nəfər jurnalistin əsas, 10 nəfər jurnalistin həvəsləndirici mükafata layiq görüldüyünü bildirib. İcraçı direktor həmçinin Agentliyin rəhbərliyi ilə əldə olunmuş razılığa əsasən müsabiqədə iştirak edən, lakin yer tuta bilməyən media nümayəndələri üçün 100 manat məbləğində pul mükafatının nəzərdə tutulduğunu bildirib.
Sonra müsabiqənin qaliblərinə diplom və mükafatlar təqdim edilib.
Modern.az saytının əməkdaşı Namidə Bingöl də müsabiqədə III yerə layiq görülüb.
Tədbiri yekunlaşdıran Müəllif Hüquqları Agentliyinin İdarə Heyətinin sədri Kamran İmanov birgə müsabiqənin təşkilinə və media ilə əməkdaşlığın genişləndirilməsindəki xidmətlərinə görə Fondun rəhbərliyinə təşəkkürünü bildirib, belə müştərək layihələrin gələcəkdə də davam etdiriləcəyini vurğulayıb.
| № | Yerlər | Müəllifin adı | Müəllifin işlədiyi KİV | Orta bal |
| 1. | I yer | Əliyev Vüqar Mükafat oğlu | "Mədəniyyət" qəzetinin redaktoru | 20 |
| 2. | II yer | Qələndərov Nurlan Vəli oğlu | "Yeni Azərbaycan" qəzetinin müxbiri | 19,6 |
| 3. | II yer | Bayramov Mübariz Ramiz oğlu | "Mövqe" qəzetinin müxbiri | 19,3 |
| 4. | III yer | Kərimova Namidə Samid qızı | "Modern.az" İnformasiya Agentliyinin müxbiri | 19 |
| 5. | III yer | Əliyeva Qaliya Sosialovna | "Kaspiy" qəzetinin şöbə müdiri | 19 |
| 6. | III yer | Əliyeva Kifayət Cəbrayıl qızı | "The Business Times" qəzetinin müxbiri | 18,6 |
| 7. | Həvəsləndirici | Quluyeva Zülfiyyə Telman qızı | "Mövqe.az" saytının müxbiri | 18,3 |
| 8. | Həvəsləndirici | Məhərrəmova Təranə Sərdar qızı | "Kaspi" qəzetinin müxbiri | 18 |
| 9. | Həvəsləndirici | Nəsirli Akif Sovet oğlu | "Paralel" qəzetinin baş redaktor müavini | 18 |
| 10. | Həvəsləndirici | Şahməmmədov Taleh Engilis oğlu | "İki sahil" qəzetinin müxbiri | 17,6 |
| 11. | Həvəsləndirici | Qurbanova Aysel Aslan qızı | "Şərq" qəzetinin müxbiri | 17,6 |
| 12. | Həvəsləndirici | Həsənov İsgəndər Aqil oğlu | "525-ci qəzet"in redaktoru | 17,6 |
| 13. | Həvəsləndirici | Xankişiyeva İlhamə Əbülfət qızı | "Teleqraf.com" İnformasiya Agentliyinin müxbiri | 17,3 |
| 14. | Həvəsləndirici | Nəsibova Xanım Hopal qızı | "Kür" qəzetinin müxbiri | 17,3 |
| 15. | Həvəsləndirici | Əliyev Azad Akif oğlu | "Həftə içi" qəzetinin baş redaktor müavini | 17,3 |
| 16. | Həvəsləndirici | Cəlilova Günel İsa qızı | "Bakı-Xəbər" qəzetinin müxbiri | 17,3 |
| 17. | | Nəsirov Rauf Yədulla oğlu | "Bakinskiy raboçiy" qəzetinin şöbə müdiri | 17 |
| 18. | | Zeynalov Cavid Aşur oğlu | "APA" İnformasiya Agentliyinin müxbiri | 17 |
| 19. | | Rzayeva Məlahət Əli qızı | "Şərq" qəzetinin müxbiri | 17 |
| 20. | | Cəfərov Müşfiq Mirzə oğlu | "Respublika" qəzetinin müxbiri | 17 |
| 21. | | Səfərova Samirə Məmmədhənifə qızı | "Bakı-Xəbər" qəzetinin baş redaktor müavini | 17 |
| 22. | | İmaməliyeva Tahirə Məmməd qızı | "Şərq" qəzetinin müxbiri | 16,3 |
| 23. | | Rəhimov Təbriz Kamal oğlu | "Həftə içi" qəzetinin redaktoru | 16,3 |
| 24. | | Bayramova Şəymən Elxan qızı | "Şərq" qəzetinin müxbiri | 16,3 |
| 25. | | Rəsulova İlhamə Loğman qızı | "Bizim Yol" qəzetinin müxbiri | 16,3 |
| 26. | | Məmmədli Səxavət Musa oğlu | "Həftə içi" qəzetinin müxbiri | 16,3 |
| 27. | | Bayramova Yeganə Sahib qızı | "Şərq" qəzetinin müxbiri | 16 |
| 28. | | Əliyev Seymur Telman oğlu | "Hürriyyət" qəzetinin müxbiri | 16 |
| 29. | | Hüseynova Mətanət Məhərrəm qızı | "İqtisadiyyat" qəzetinin müxbiri | 16 |
| 30. | | Abdullayev Ayyət Əhməd oğlu | "Şərq" qəzetinin müxbiri | 16 |
| 31. | | Sultan Rüfət Nadir oğlu | "Mövqe" qəzetinin müxbiri | 16 |
| 32. | | Tağıbəyli Vüsal Vaqif oğlu | "Həftə içi" qəzetinin müxbiri | 16 |
| 33. | | Əliyev Məhərrəm Ağalar oğlu | "İki sahil" qəzetinin müxbiri | 15,6 |
| 34. | | Sarıyeva İradə Murad qızı | "Bakı-Xəbər" qəzetinin müxbiri | 15,6 |
| 35. | | Qiyasova İradə Qurban qızı | "The Business Times" qəzetinin müxbiri | 15,3 |
