Ermənistanın baş naziri Karen Karapetyanın Davos İqtisadi Forumuna qatılmasının əsas səbəbi məlum olub. Modern.az Ermənistanın “Jamanak” qəzetinə istinadən xəbər verir ki, 2009-cu ildən bəri İsveçrənin Davos şəhərinə gedən ilk erməni hökumət başçısı olan Karapetyan forumda öz şəxsi biznesi ilə bağlı detalları müzakirə edib.
“Baş nazir xarici dövlət və hökumət başçıları ilə görüşməklə bərabər şəxsi biznesini də unutmayıb”-deyə qəzet yazır.
Qəzetin məlumatına görə, Karapetyan ailəsinin bahalı saat istehsalı ilə məşğul olduğu Ermənistanda sirr deyil. Bu saatların mexanizmləri isə İsveçrədə istehsal olunur.
“Saatların yığımı Ermənistanda baş verir. Söhbət “Kerbedanz” brendi adı altında saat istehsal edən “Krbedants” QSC-dən gedir”.
Qəzetin məlumatına görə, Kerbedanz erməni dilinin Qarabağ ləhcəsində Karapetyanlar ailəsinin yazılış qaydasıdır.
