Türkiyə Prezidenti Rəcəb Tayyib Ərdoğanın rəhbərliyi ilə Beştəpə sarayında Təhlükəsizlik Şurasının iclası keçirilib. Modern.az Türkiyə mediasına istinadən xəbər verir ki, iclasda əsasən Afrində aparılan “Zeytun budağı” əməliyyatı müzakirə edilib və milli təhlükəsizliyi təhdid edən ünsürlər barədə fikir mübadiləsi aparılıb.
Qeyd edək ki, iclasa Baş nazir Binəli Yıldırım, Baş Qərargah rəisi Hulusi Akar, Xarici İşlər naziri Mövlud Çavuşoğlu, Daxili İşlər naziri Süleyman Soylu, Milli Müdafiə naziri Nurəddin Canikli və digər dövlət rəsmiləri qatılıb.
