Ermənistanda hakimiyyət –müxalifət dialoqu baş tutub. Modern.az Erməni Milli Konqresinin saytına istinadən bildirir ki, iqtidar koalisiyasının nümayəndəsi David Arutyunyan bildirib ki, işçi qrup Ermənistan prezidentini və icra hakimiyyətini təmsil edir. Görüşü müsbət qiymətləndirən Aratyunyan bildirib ki, tərəflər öz mövqelərini ortaya qoyublar. Hakimiyyət təmsilçisinin sözlərinə görə, dialoqun gündəliyi hələ təsdiq edilməyib.
Müxalifətçi Erməni Milli Konqresinin təmsilçisi Levon Zurabyan da görüşü müsbət dəyərləndirib. O bildirib ki, işçi qrupa müxalifətin gözlədiyindən daha çox səlahiyyətlər verilib. Zurabyan qeyd edib ki, müxalifətin möveyi dəyişməyib və onlar növbədənkənar parlament seçkilərinin keçirilməsini istəyirlər.
O həmçinin deyib ki, növbədənkənar seçkilərin keçiirlməsi ilə bağlı məsələ sentyabr ayına qədər razılaşdırılmalıdır. “Əgər bu baş verməsə iqtidarla dialoq imkanları itiriləcək”.
Hakimiyyət təmsilçisi isə bildirib ki, növbəti görüşün tarixi barədə məlumat veriləcək.
