Cənubi Koreya prezidenti Mun Ce-in Pxençan şəhərində Qış Olimpiya Oyunlarının açılış mərasimində Koreya Xalq Demokratik Respublikasının (KXDR) lideri Kim Çen Inın bacısı Kim Yo-conq ilə görüşüb və onunla qısa söhbət edib.
AZƏRTAC xəbər verir ki, Kim Yo-conqun da daxil olduğu KXDR rəsmi nümayəndə heyəti Qış Olimpiya Oyunlarının açılış mərasimində iştirak etmək üçün Cənubi Koreyaya gəlib.
Nümayəndə heyətinin fevralın 10-da Seulda Cənubi Koreya prezidenti Mun Ce-in ilə görüşü nəzərdə tutulub.
