İnterpol daha bir azərbaycanlı barədə axtarış elan edib.
Modern.az-ın məlumatına görə, 1972-ci ildə Naxçıvanda anadan olan Rəşad Sadiqov dələduzluqda təqsirləndirilir.
Məlumata görə, R.Sadiqov barəsində Azərbaycan hüquq-mühafizə orqanları cinayət işi başladıb. Axtarışda olan R.Sadiqov isə istintaqdan yayınıb.
Məhkəmə onun həbs olunması və tutularaq istintaqa təhvil verilməsi barədə qərar çıxarıb.
Bildirək ki, İnterpol həmin qərar əsasında R.Sadiqov barəsində beynəlxalq axtarış elan edib.
