Azərbaycan Xalq Cümhuriyyətinin 100 illiyi ilə bağlı Müdafiə Nazirliyi (MN) və Mətbuat Şurasının birgə tədbiri keçirib.
Modern.az xəbər verir ki, müdafiə nazirinin müavini general Kərim Vəliyev, idarə rəisi general Rasim Əliyev, MN-in mətbuat xidmətinin rəhbəri Vaqif Dərgahlının iştirakı ilə keçirilən tədbirdə Mətbuat Şurasının idarə heyətinin üzvləri bə 50-yə yaxın media təmsilçisi iştirak edib. Tədbirdə Müdafiə Nazirliyinin rəhbərləri, idarə rəisləri də iştirak edib.
Baş redaktorlarla ilə hərbçi zabitlər arasında maraqlı müzakirələr, polemikalar gedib. Tərəflər hərbi mövzuların işıqlandırılmasına dair fikir mübadiləsi aparıblar. Müdafiə Nazirliyinin rəhbərliyi KİV rəhbərlərinin bütün sual və iradlarını cavablandırıb.
Eyni zamanda, AXC -nin 100 illiyi ilə bağlı yazı müsabiqəsinin keçirilməsi də razılaşdırılıb.
