Gəncədə piyadanın vurulması ilə nəticələnən yol nəqliyyat qəzası baş verib. APA-nın verdiyi məlumata görə, hadisə şəhərin Heydər Əliyev prospektində qeydə alınıb. Hərəkətdə olan “VAZ” markalı avtomobil yolu keçmək istəyən 1952-ci il təvəllüdlü Cəfərova Hamayıl Məmməd qızını vurub. Qadın dərhal Abbas Səhhət adına 1 saylı şəhər xəstəxanasına çatdırılıb.
Vəziyyətinin orta ağır olduğu bildirilir. Faktla bağlı araşdırma aparılır.
