Nijeqorod vilayətinin Dzerjinsk şəhərində Ermənistan və Azərbaycan vətəndaşları arasında dava olub. Modern.az “NTA-Privolje” agentliyinə istinadən bildirir ki, bu barədə hüquq mühafizə orqanlarından məlumat verilib.
Dava “Köhnə Bakı” kafesində baş verib. Azərbaycanlıların oturduğu bu kafeyə ermənilər daxil olublar. Bundan sonra onlar arasında mübahisə başlayıb. Əlbəyaxa ilə başlayan dava atışmaya çevrilib. Belə ki, mübahisə zamanı qəfildən kafeyə gələnlərdən biri ov tüfəngi ilə atəş açıb. Nəticədə azərbaycanlıların iksi yüngül yaralanıb.
Bundan sonra atəş açan erməni hadisə yerindən qaçıb. Hazırda onlar axtarışa verilib. Dava-dalaşın səbəbləri araşdırılır.
