Türkiyə ordusu tərəfindən Suriyanın Afrin bölgəsində keçirilən “Zeytun budağı” əməliyyatında zərərsizləşdirilən terrorçu sayı 2434-ə çatıb.
Bu haqda Modern.az “Anadolu” agentliyinə istinadla xəbər verir.
Bildirilib ki, gün ərzində 139 terrorçu məhv edilib.
Məlumatda o da bildirilib ki, Afrinin Racu rayonun mərkəzi, həmçinin, Ramadiyə və Namilək kəndləri terrorçulardan azad edilib.
Bununla da 21-i strateji yüksəklik, 93-ü kənd olmaqla ümumilikdə 122 məntəqə terrorçulardan təmizlənib.
Qeyd edək ki, Türkiyə Silahlı Qüvvələri bu ilin 20 yanvarından etibarən Afrində əməliyyatlara başlayıb.
