Yunanıstanda bir irqçi partiyanın keçirdiyi etiraz aksiyasında Türkiyə bayrağı yandırılıb.
Türkiyə Xarici İşlər Nazirliyi bu hadisəyə sərt reaksiya verib. Türkiyə XİN-i türk bayrağına qarşı bu hərəkəti edən şəxslərin dərhal həbs edilməsini,məhkəmə qarşısına çıxarılmasını tələb edib.
Türkiyə XİN-inin sözçüsü Hami Aksoy Yunanıstan prezidenti Prokopis Pavlopoulosu beynəlxalq hüquqa və Türkiyənin sərhədlərinə hörmətlə yanaşmağa dəvət edib. Yunanıstan prezidentinin Türkiyəyə ünvanlanan “ tarixən bizim olmalı olan torpaqlarımıza sahib deyilik”, “ Tarix bizi məcbur edərsə əcdadlarımızın etdiyini edərik” kimi ifadələrə yer verməsinə sərt reaksiya nümayiş etdirən Aksoy, onu səbəbsiz yerə gərginlik çıxarmamağa çağırıb.
