Azərbaycan Respublikasının ali təhsil müəssisələrinin magistraturalarının boş qalan plan yerlərinə qəbul 2011-ci il fevralın 20-də və iyunun 26-da keçirilmiş ikimərhələli qəbul imtahanında toplanılmış ballar əsasında müsabiqə yolu ilə aparılır (müsabiqə şərtləri aşağıdakı cədvəldə verilir).
Ali təhsil müəssisəsinin magistraturasına qəbul olunmuş bakalavrın boş qalan plan yerlərinə keçirilən müsabiqədə iştirak etmək hüququ yoxdur.
Tələbə Qəbulu üzrə Dövlət Komissiyasından Modern.az-a bildirilib ki, bakalavrlar boş qalan plan yerlərinə keçirilən müsabiqədə iştirak etmək üçün 2011-cu il 01 avqust saat 9.00-dan 08 avqust saat 09.00-dək TQDK-nın müvafiq internet səhifəsinə (tqdk.gov.az/erizemagistr) daxil olub, seçdiyi ixtisaslaşmaların kodlarını "Bakalavrın elektron ərizəsi"ndə qeyd edib təsdiqləyirlər.
Ərizəni təsdiq etmək üçün bakalavrlar TQDK-nın yeni ödəmə kartını almalıdırlar.
Boş qalan plan yerləri olan ixtisaslaşmaların siyahısı “Magistr” jurnalının 6-cı sayında təqdim edilib. Hər bir bakalavr bu siyahıdan imtahan verdiyi proqrama aid və bitirdiyi bakalavr ixtisasına müvafiq 20-dək ixtisaslaşma kodunu seçə bilər.
Bakalavr ixtisaslaşma kodlarının sayını və ardıcıllığını istədiyi kimi seçib ərizəsində göstərir. Seçilmiş ixtisaslaşmaların ərizə formasında göstərilən ardıcıllığı müsabiqə zamanı hüquqi əsas kimi qəbul olunur və bakalavr topladığı bala əsasən müsabiqədən keçdiyi ixtisaslaşmaların birincisinə yerləşdirilir.
Dövlət hesabına magistraturada təhsil almış magistrlər dövlət sifarişi ilə qəbul aparılan yerləri seçə bilməzlər.
Əcnəbilər və vətəndaşlığı olmayan şəxslər, qüvvədə olan qanunvericilikdə və dövlətlərarası razılaşmalarda digər hallar nəzərdə tutulmayıbsa, dövlət sifarişi ilə qəbul aparılan yerləri seçə bilməzlər.
“Ali təhsil müəssisələrinin magistraturalarına boş vakant yerlərinin olmasına baxmayaraq müsabiqə şərtini ödəyən bəzi bakalavr hələ də qeydiyyatdan keçməyiblər”. Modern.az-ın məlumatına görə bu sözləri Tələbə Qəbulu üzrə Dövlət Komissiyasının sdəri Məleykə Abbaszadə deyib. Onun sözlərinə görə, 2011-2012-ci tədrsi ili üzrə ali təhsil müəssisələrinin magistraturalarında 1865 vakant yer qalıb.
“Həmin yerlərin müsabiqəsində iştirak hüququ olan bakalavrların ümumi sayı isə 2253 nəfərdir. Ancaq müsabiqənin şərtlərini ödəyən bəzi bakalavrlar qeydiyyatdan hələlik keçməyiblər. Xüsusilə bəzi prestijli ixtisaslara qəbul olunan bakalavrlar ərizələrini təsdiq etməyiblər. Məsələn, “Hüquqşünaslıq” ixtisası üzrə 2 ödənişli vakant yer var. Həmin boş yerə isə 192 nəfər namizəddir. Lakin bu vaxta qədər müəyyən səbəblərə görə bakalavrlar ərizələrini təsdiq etdirməyi düşünmürlər”.
MÜSABİQƏ ŞƏRTLƏRİ
|
| Birinci mərhələnin nəticəsinə qoyulan minimal tələb* | İkinci mərhələnin (qabiliyyət imtahanının) nəticəsinə qoyulan minimal tələb** | Ümumi bala qoyulan minimal tələb** | |||
| Dövlət sifarişli yerlər üçün | Ödənişli yerlər üçün | Dövlət sifarişli yerlər üçün | Ödənişli yerlər üçün | Dövlət sifarişli yerlər üçün | Ödənişli yerlər üçün | |
| İİM və HSM istiqamətlərinə daxil olan ixtisaslaşmalar (xüsusi qabiliyyət tələb edən ixtisaslaşmalar istisna olmaqla) və MBA proqramına aid olan ixtisaslaşmalar üçün | 55 bal | 50 bal | 25 bal | 20 bal | 85 bal | 75 bal |
| TM (xüsusi qabiliyyət tələb edən ixtisaslaşmalar istisna olmaqla), TTM, MM, TEM və ETM istiqamətlərinə daxil olan ixtisaslaşmalar və Tempus layihəsi üzrə olan ixtisaslaşmalar üçün | 50 bal | 45 bal | 25 bal | 20 bal | 80 bal | 65 bal |
| ATM istiqamətinə daxil olan ixtisaslaşmalar üçün | 45 bal | 40 bal | 20 bal | 20 bal | 70 bal | 60 bal |
| Xüsusi qabiliyyət tələb edən ixtisaslaşmalar üçün | 45 bal | 40 bal | 20 bal | 20 bal | 70 bal | 60 bal |
1) 4, 6, 9, 10, 11, 20 və 21 saylı proqramların ödənişli yerlərini seçmək üçün ümumi bal 60-dan, ixtisas üzrə bal isə 15-dən az olmamalıdır;
2)26, 39 və 46 saylı proqramların ödənişli yerlərini seçmək üçün ümumi bal 65-dən, ixtisas üzrə bal isə 15-dən az olmamalıdır.
Modern.az
