Milli Mətbuat gününün 136-cı ildönümü jurnalistlərin iştirakı ilə keçirilən bir sıra tədbirlər, mükafatlandırma mərasimlərilə yadda qaldı. Ayrı-ayrı qurumlar və şəxslər tərəfindən bəzi media nümayəndələrinin istirahətinin təşkili istiqamətində də müəyyən addımlar atıldı.
Modern.az saytının məlumatına görə, Mərkəzi Bankın sədri Elman Rüstəmov da Milli Mətbuat gününün 136-cı ildönümü ilə bağlı jurnalistlərdən səxavətini əsirgəməyib.
Saytımıza verilən məlumata görə, Mərkəzi Bankın sədri Bakıdakı bahalı restoranlardan birində hakimiyyətyönümlü media orqanları kimi tanınan 5 gündəlik KİV-in rəhbərinə yüksək səviyyəli qonaqlıq verib. Qonaqlıqda Elman Rüstəmovun özü və adlarını bilib, çəkmək istəmədiyimiz həmin baş redaktorlardan başqa heç bir kənar şəxs iştirak etməyib.
Modern.az
