“İnter Arena”da keçirilən Azərbaycan-Ukrayna parlamentlərinin komandaları arasındakı final oyunu 2:1 hesabı ilə deputatlarımızın xeyrinə başa çatıb.
Oyun barədə fikirlərini Modern.az-la bölüşən Milli Məclis sədrinin birinci müavini, Ziyafət Əsgərov deyib ki, turnir Azərbaycan Cühuriyyətinin və parlamentinin 100 illiyinə həsr olunub:
“Beynəlxaq turnir çərçivəsində Azərbacana bir neçə ölkədən komandalar gəlib. Azərbaycan və Ukrayna ölkələri arasındakı final görüşündə hər iki komanda layiqli oynadı və nəticə də layiqli oldu. 2:1 Azərbaycan parlament komandasının xeyrinə nəticələndi.
Amma hər iki komandanı təbrik edirəm. Çünki bir-birinə layiq oynadılar”.
Milli Məclisin mətbuat katibi Akif Təvəkküloğlu da oyunun gözəl keçdiyini vurğulayıb:
“Oyunları izlədik. Bu, bizim parlament tariximizdə çox dəyərli idman yarışı oldu. Biz inanırıq ki, bundan sonrakı tədbirlərimiz də bu cür yüksək səviyyədə keçiriləcək”.
