Azərbaycanda hemofiliya və talassemiya xəstəsi olan uşaqlara, Azərbaycanın birinci vitse-prezidenti Mehriban Əliyeva daim qayğı və diqqət göstərir. Onun himayəsi ilə xəstəliyi olan digər qrup uşaqlar da ölkəmizin istirahət mərkəzlərində tətillərini və asudə vaxtlarını keçirirlər.
Bu günlərdə “Hemofiliya xəstələrinin Respublika Assosasiyası”nın rəhbəri Gülnarə xanımın təşəbbüsü ilə bir qrup bu xəstəlikdən əziyyət çəkən uşaqlar 3 gün müddətində Lənkəranda dincəlib və qismən müalicə alıblar.
Ölkəmizdə artıq uzun illərdir ki, bu xəstələrin müalicəsinin hüquqi bazası millət vəkili Hadı Rəcəblinin rəhbərlik etdiyi Milli Məclisin Əmək və sosial siyasət komitəsi tərəfindən ardıcıl olaraq aparılır. Millət vəkili Lənkəranda hemofiliyadan əziyyət çəkən uşaqlar və onların valideynləri ilə görüşüb, həkim və mütəxəssis məsləhətlərinə həsr olunmuş məşğələlərində iştirak edib və fikir mübadiləsi yürüdüb. Görüş vaxtı eyni zamanda 11 aprel prezident seçkilərindən söhbət açılıb, valideynlər onlar üçün daim arxa və dəstək olan İlham Əliyevə səs verəcəklərini deyiblər.
