Rusiyanın Kemerovo vilayətinin qubernatoru Aman Tuleyev Rusiya prezidenti Vladimir Putinə istefa ərizəsi ilə müraciət edib.
Modern.az Rusiya KİV-nə istinadən xəbər verir ki, bu barədə vilayətin administrasiyasının mətbuat xidməti məlumat yayıb.
Prezident Vladimir Putin Aman Tuleyevin vaxtından əvvəl istefasını qəbul edib. Ölkə başçısı həmçinin Sergey Tsivilyovu vilayətin qubernatoru vəzifələrinin müvəqqəti icraçısını vəzifəsinə təyin edib.
Xatırladaq ki, martın 25-də Kemerovoda "Zimnyaya vişnya" ticarət mərkəzində baş verən yanğın nəticəsində 64 nəfər həlak olub. Onlardan 41 nəfəri uşaq olub. Yanğından xəsarət çəkənlərin sayı isə 79-a çatıb.
