Neftçala sakini özünü asaraq intihar edib.
Modern.az APA-ya istinadən xəbər verir ki, Mil-Muğan bürosunun xəbərinə görə, intihar etmiş şəxs rayonun Xıllı kənd sakini1952-ci il təvəllüdlü Zülfəliyev Ələkbər Saleh oğludur.
Onun asılmış meyiti evin həyətindəki yardımçı tikilidə yaxınları tərəfindən aşkarlanıb.
Faktla bağlı Neftçala Rayon Polis Şöbəsinin əməkdaşları araşdırmalara başlayıb.
***
Masallıda bıçaqlanaraq qəilə yetirilən şəxsin kimliyi məlum olub. APA-nın cənub bürosunun məlumatına görə, həmin kənd sakini, 1970-ci il təvəllüdlü Urfan Həsənov həmkəndlisi tərəfindən bıçaqlanaraq öldürülüb. Qətlin hansı şəraitdə baş verməsi məlum deyil.
Hadisəni törədən artıq polis tərəfindən saxlanılıb.
Masallıda bıçaqlanma olub. APA-nın cənub bürosunun məlumatına görə, hadisə rayonun Mollaoba kəndində qeydə alınıb. Bıçaqlanan şəxs dünyasını dəyişib.
Meyit müayinə üçün Məhkəmə Tibbi Ekspertiza və Patoloji Anatomiya Birliyinin Masallı rayon şöbəsinə təhvil verilib.
Hazırda hadisənin təfərrüatları və ölən şəxsin kimliyi araşdırılır.
