Bu gün səhər qəfildən vəfat edən jurnalist Ceyhun Nağının meyiti hələ 6 saylı xəstəxanadadır. Bu barədə Modern.az mərhum jurnalistin qaynı məlumat verib. Onun sözlərinə görə, hazırda dəfn yeri və hüzr məclisi ilə bağlı məsələnin həll olunması üçün iş aparılır. Yaxın yarım saat ərzində Ceyhun Nağının harada dəfn olunacağı bəlli olacaq.
Qaynı saytımıza bildirib ki, səhər işə gələrkən maşında qəfildən Ceyhunun halı pisləşib. O xəstəxanaya çatmadan yolda keçinib. Qohumunun sözlərinə görə, mərhumun səhhəti ilə bağlı heç bir şikayəti olmayıb.
Modern.az
