Sabah saat 12.00-da Milli Məclisin plenar iclası keçiriləcək. Bu barədə Modern.az-a Milli Məclisin mətbuat xidmətindən məlumat verilib.
İclasın gündəliyi barədə məlumat verilməyib.
Modern.az-ın əldə etdiyi məlumata görə, Milli Məclisin sabahkı iclasında Baş nazir təyinatına baxılacaq.
Qeyd edək ki, Azərbaycan Konstitusiyasının 109-cu maddəsinə görə, Baş nazirin namizədliyini prezident irəli sürür. Və həmin namizəd Milli Məclisə təqdim edilir.
Prezident həmin namizədi Milli Məclisin razılığı ilə Azərbaycan Respublikasının Baş naziri vəzifəsinə təyin edir.
