Hazırda avtobus marşrutlarının intervalında gecikmələr var.
Bu barədə Modern.az-a məlumat verən Bakı Nəqliyyat Agentliyinin (BNA) İctimai əlaqələr və maarifləndirmə şöbəsinin müdiri Mais Ağayev bildirib ki, buna səbəb şəhərdəki küçə və prostpektlərdə müşahidə edilən tıxacdır.
Qeyd edək ki, aprelin 23-dən etibarən Bakıda keçirilən “Formula-1 Azərbaycan Qran Pri” yarışları ilə əlaqədar ictimai nəqliyyatın fasiləsiz fəaliyyətini təmin etmək məqsədi ilə 17 marşrut xətti üzrə (1, H1, 2, 4, 5, 6, 8, 14, 18, 31, 37, 46, 61, 65, 77, 88, 124) avtobusların hərəkət sxemində dəyişiklik edilib.
