Azərbaycanın bu günkü uğurları, neft siyasəti, iqtisadi yüksəlişi, eləcə də mədəniyyəti və tarixi barədə Tacikistanın “Biznes I politika” qəzetində geniş məqalə dərc edilib.
(//www.gazeta-bip.net/interview/3384-nashi-narody-obedinjajut-glubokie-kulturnye-uzy)
“Bizim xalqları dərin mədəni köklər bağlayır” adlı müsahibdə Azərbaycanın Tacikistandakı səfirliyinin müvəqqəti işlər vəkili İlham Zamanov tacik jurnalisti Murod Raximovun suallarını cavablandırəb. O, 20 illik müstəqillik tarixini qeyd edən Azərbaycanın Tacikistanla əlaqələrindən, hər iki ölkə prezidentlərinin qarşılıqlı səfərləruindən, BMT-nin Baş Assambleyasında Azərbaycan tərəfinin təklif etdiyi “Beynəlxalq Novruz günü” təklifinin Tacikistan xalqının da dəstəkləməsindən, 20 illik müstəqillik illəri ərzində Azərbaycanın keçdiyi ağır tarixi yoldan, Ermənistanın təcavüzü nəticəsində 20 faiz torpaqlarımızın işğal edilməsindən, torpaqlarımızın geri qaytarılması barədə nüfuzlu beynəlxalq təşkilatların çıxardığı qərarlardan danışıb. Jurnalistin “Sizin iqtisdai uğurlarınızın sirrləri nədədir” sualını cavablandıran Azərbaycan diplomatı İlham Zamanov iqtisadı sahədə mukəmməl dövlət proqramlarının qəbul edildiyini, bu sahədə beynəlxalq standartlara cavab verən hüquqi bazanın olduğunu, özəlləşdirmə və investisiya qoyuluşu üçün münbit ab-havanın yaradıldığını diqqətə çatdırıb. Məqalədə eyni zamanda Azərbaycanın BMT-nin Təhlükəsizlik Şurasına namizədliyi barədə də fikir mübadiləsi aparılıb.
Ləman Ağayeva
