Avqustun 18-də, Müqəddəs Ramazan ayının 18-ci günü deputat Novruz Aslanov İsmayıllı rayonuna səfər edib. İsmayıllıdakı “Gülüstan” şadlıq sarayında rayon İcra Hakimiyyətinin təşkil etdiyi növbəti iftar süfrəsində iştirak edən millət vəkili öz seçiciləri ilə 3-cü dəfə belə süfrə arxasında, iftarda görüşüb.
300 nəfərdən çox sakininin iştirak etdiyi iftar süfrəsinə ətraf kəndlərdən də insanlar təşrif buyurub. Bu, Ramazan ayının başladığı gündən rayonda kütləvi sürətdə keçirilən 3-cü iftar süfrəsidir.
Bundan əvvəl rayonun Lahıc və Diyallı kəndlərində də belə süfrələr təşkil edilmişdi.
“Məlumat üçün bildirək ki, qarşıdakı günlərdə də deputat tərəfindən növbəti iftar süfrəsi təşkil ediləcək”-deyə deputatın qərargahından Modern.az-a bildirilib.
