Pakistanın daxili işlər naziri Əhsən İqbal silahlı hücuma məruz qalıb.
Modern.az xarici KİV-ə istinadən xəbər verir ki, hadisə İqbalın iştirak etdiyi mitinqdən sonra baş verib.
O, mitinq bitdikdən sonra avtomobilinə doğru hərəkət edərkən kürəyindən vurulub. 59 yaşlı nazir əvvəl yaxınlıqda yerləşən xəstəxanaya çatdırılıb, daha sonra helikopterlə 140 kilometr uzaqlıqda yerləşən xəstəxanaya aparılıb. Həyati təhlükəsinin olmadığı deyilir.
Pəncab polisi hadisəni törədən 20 yaşlı gənci yaxalayıb. Hazırda sorğusu davam edir.
