“Gənclik Mall” ticarət mərkəzində oğurluq olub.
Daxili İşlər Nazirliyinin mətbuat xidmətindən Modern.az-a verilən məlumata görə, mağazaların birindən 536 manat dəyərində geyim əşyaları oğurlanıb.
Nərimanov Rayon Polis İdarəsinin 18-ci Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən qadın qısa müddətdə müəyyən edilərək saxlanılıb.
Araşdırmalarla onun Bakı şəhər sakini S.Rəsulova olduğu müəyyən edilib.
Faktla bağlı araşdırma aparılır.
