"Azərbaycanda olimpiada qalibləri daha çox tibb ixtisasını seçirlər".
Modern.az xəbər verir ki, bunu Təhsil İnstitutunun direktoru vəzifəsini icra edən Emin Əmrullayev respublika fənn olimpiadalarının nəticələrinin analitik təhlili ilə bağlı təqdimatda deyib.
O bildirib ki, bu il keçirilən qəbul imtahanlarında iştirak edən respublika fənn olimpiada qaliblərindən biri 700 bal toplayıb. E.Əmrullayev əlavə edib ki, Azərbaycanda olimpiada qaliblərinin qəbul imtahanlarında topladıqları orta bal 657-dir.
"Builki respublika fənn olimpiadasının nəticələrinə görə, 45 nəfər qızıl, 89 nəfər gümüş, 142 nəfər bürünc olmaqla, ümumilikdə, 276 nəfər qalib elan olunub. O qeyd edib ki, builki olimpiadada region şagirdləri çox aktiv iştirak ediblər".
