Qüdsdə ABŞ-dan sonra daha bir səfirliyin açılış mərasimi baş tutub.
Modern.az “Reuters” agentliyinə istinadən xəbər verir ki, Qvatemala da ABŞ-dan sonra öz səfirliyini Təl-Əvivdən Qüdsə köçürüb.
Açılışda Qvatemala prezidenti Cimmi Morales və İsrail baş naziri Binyamin Netanyahu iştirak edib. Səfirlik Qüdsün qərbində ofis kompleksində yerləşib.
Qeyd edək ki, mayın 14-də ABŞ Təl-Əvivdə yerləşən səfirliyini Qüdsə keçirib. Bununla əlaqədar Qəzza zolağında gərginlik artıb. Bu hadisəyə etiraz edən fələstinlilərə qarşı İsrail ordusu silah işlədib. Hadisə nəticəsində 61 fələstinli həyatını itirib, 2 mindən çox yaralı var. Fələstin lideri Mahmud Abbas 3 günlük matəm elan edib.
Əvəz ZEYNALOV
