İyunun 26-da Azərbaycan Ordusunun yaranmasının 100 illiyi tamam olur. Bununla bağlı Azərbaycan Silahlı Qüvvələrinin 100 illiyi şərəfinə xüsusi medal təsis edilib.
Modern.az-ın məlumatına görə, Azərbaycan Silahlı Qüvvələrinin 100 illiyi şərəfinə xüsusi medalla aşağıdakı şəxslər təltif ediləcək:
1. “Azərbaycan Ordusunun 100 illiyi (1918-2018)” Azərbaycan Respublikasının yubiley medalı ilə 2018-ci il iyunun 26-dək Azərbaycan Ordusunda həqiqi hərbi xidmət keçən və döyüş hazırlığında uğurlar qazanmış;
2. habelə Azərbaycan Ordusundan ehtiyata və ya istefaya buraxılmış;
3. Azərbaycan Ordusunun qurulmasında və möhkəmləndirilməsində fəal iştirak edən zabit, gizir, miçman və müddətdən artıq həqiqi hərbi xidmət hərbi qulluqçular.
