52 saylı Quba seçki dairəsindən deputat Vahid Əhmədovun köməkçisi Arif Orucov Modern.az saytına bildirib ki, deputat köməkçisi yeni təsis olunmuş vəzifədir və bu sahədə kifayət qədər bilgi yoxdur: “USAİD-in Azərbaycan Parlament Proqramı çərçivəsində keçirilən treninqləri deputat köməkçilərinin seçki dairələrində işinin təşkili sahəsində peşəkarlığının artırılması baxımından çox vacib və əhəmiyyətlidir. Keçirilən treninqlərdə dünya praktikasında olan təcrübə öyrənilməklə yanaşı, təlimlər zamanı aparılan fikir mübadiləsi nəticəsində yerlərdə qazanılmış müsbət iş təcrübəsinin öyrənilməsi və köməkçilərin bir- birini tanıması, işgüzar ünsiyyətin qurulması baxımından da çox əhəmiyyətlidir. Təlimlərin keçirilməsi Mılli Məclislə seçicilər arasında əlaqənin daha effektli qurulması işində, Milli Məclisdə qərarvermə prosesinə seçicilərin cəlb edilməsi sahəsində, ərizə və şikayətlərin vaxtında araşdırılaraq tədbir görülməsində və bir çox digər sahələrdə yarana biləcək problemlərin həlli yollarını tapmaqda çox əhəmiyyətlidir. Treninqlərin keçirilməsini vacib sayıram və gələcəkdə də təşkil olunmasını arzu edirəm”.
46 saylı Şirvan seçki dairəsindən deputat Azay Quliyevin köməkçisi Şahin Nəbiyev isə deyib ki, USAİD-in Azərbaycan Parlament Proqramı deputat köməkçilərinin fəaliyyətində böyük əhəmiyyətə malikdir:
“Mən bunu ilk növbədə deputat köməkçilərinin biri-birləri ilə əlaqələrinin qurulmasında görürəm. Bundan başqa beynəlxalq təcrübənin öyrənilməsi baxımından da biz bu proqramdan xeyli yararlanmışıq.
Əsas məsələ isə seçicilərlə işdir, elə bizim əsas vəzifəmiz də deputatın yerdə həqiqi nümayəndəsi olmaqdır. Bu baxımdan da USAİD-in Azərbaycan Parlament Proqramının əhəmiyyətini yüksək qiymətləndirirəm. Çünki yerlərdə deputat köməkçiləri üçün ofislərin verilməsi ideyası bu qurumla bağlıdır. Hesab edirəm ki, bu proqram hələ xeyli davam etməlidir. Çünki hələ öyrənəcəyimiz şeylər çoxdur. Bir sözlə, deputat köməkçisi institunun möhkəmləməsində USAİD-in Azərbaycan Parlament Proqramınınəməyi var. Bunu hamımız qiymətləndiririk”.
Deputat Fuad Muradovun köməkçisi Heydər Atayev:
“Azərbaycanda ilk dəfə deputat köməkçisi inistutu 2007-ci ildə təsis olundu. Deputat köməkçisi inistutu təsis olunduqdan sonra müəyyən problemlər var idi. Deputat köməkçiləri öz fəaliyyətini hansı istiqamətdə qurmalıdılar, deputatın seçildiyi dairənin ərazisindəki seçicilərlə hansı istiqamətdə işlərini aparmalıdırlar ki, bu iş effektiv, səmərəli olsun. Deputatın seçicilər üçün daha əlçatan olması, seçicilərin problemi daha operativ şəkildə həll olması və s. Bu məsələ bütün deputat köməkçilərini narahat edirdi. Çünki bizdən əvvəl deputat köməkçilərinin, bu sahədə fəaliyyət göstərən təcrübəli ekspertlərin olmaması, bu inistutun inkşaf etməsi üçün, gələcəkdə özünü daha da təkmilləşdirməsi və bi sahədə fəaliyyət göstərən yeni əməkdaşların öz işlərini düzgün şəkildə qurmaları üçün müəyyən problemlər yaranmışdı. Lakin bu problemin həlli istiqamətində parlament rəhbərliyi, Milli Məclis Aparatı tərəfindən və Amerikanın USAİD təşkilatı tərəfindən müəyyən bir layihə işlənib hazırlandı. Bu layihə Parlament Proqamı adını aldı və burada artıq mütəmadi olaraq yeni yaranmış institutun, deputat köməkçilərinin bu proqrama cəlb olunması onlar üçün həm regionlarda, həm də Bakı şəhərində təlimlərin hazırlanması, keçirilməsi, xarici olkələrdən bu sahəni daha dərindən bilən ekspertlərin cəlb olunması, bu proqramın geniş şəkildə bütün ölkə ərazisindəki deputat köməkçiləri üçün həyata keçirilməsi bu institutun inkşafına böyük təkan verdi. Bu gün 3-cü və 4-cü çağırış deputat köməkçisi kimi fəaliyyət göstərən parlamentin əməkdaşları artıq öz işlərini yüksək səviyyədə, səmərəli şəkildə həyata keçirməkdədirlər. Bu gün bu proqramın davam etməsi bizə ona görə lazımdı ki, 4-cü çağırışda Milli Məclisə yeni deputatlar seçildi, yeni seçilən deputatların artıq yeni deputat köməkçiləri var. Onların da bu biliklərə yiyələnmələri üçün, beynəlxalq təcrübəni öyrənmələri üçün proqramın davam etdirilməsi vacibdi. Parlament Proqramı çərçivəsində həyata keçirilən layihələrdə biz yeni nəsə öyrənirik ki, bunu öz işimizdə tətbiq etməklə fəaliyyətimizi daha səmərəli, daha məhsuldar həyata keçirə bilək.
Mail AĞAXANOV
