Xarici jurnalistlər Şimali Koreyaya səfər ediblər.
Modern.az “Ria Novosti”yə istinadən xəbər verir ki, içərisində xarici jurnalistləri daşıyan təyyarə “Kalma” hava limanında eniş edib.
Təyyarənin Pekindən yerli vaxtla 9:40-da (Bakı vaxtı ilə 5:40) uçuşa başladığı bildirilir. Biletlərdə təyinat məntəqəsi olaraq Pxenyan göstərilib.
Təyyarədə Koreya Respublikasının jurnalistləri olmayıb. Gələn jurnalistlərin hava şəraiti yaxşı olarsa “Punqeri” poliqonunun qapanması mərasiminə mayın 23-də gedəcəkləri də bildirilib.
Qeyd edək ki, Şimali Koreya rəhbərliyi üçüncü dəfə müxtəlif səbəblərdən Koreya Respublikası jurnalistlərinin siyahısını təsdiq etməkdən imtina edib.
Əvəz ZEYNALOV
