“Kim Çen In Donald Trampla oynaya biləcəyini düşünürsə, böyük səhv edir”.
Modern.az xarici KİV-ə istinadən xəbər verir ki, bu sözləri ABŞ-ın vitse prezidenti Mayk Pens deyib. Şimali Koreya ilə keçiriləcək zirvə görüşünün hazırlıqları davam edərkən, ABŞ qarşı tərəfi yenidən hədələyib.
Mayk Pens bildirib ki, Şimali Koreya bizimlə görüşdən imtina edərsə, ən böyük zərəri özünə verər: “ Keçən həftə Kim Çen Ina bizimlə görüşməsə sonunun Liviyas lideri Müəmmar Qəddafi kimi olacağını demişdik. Bu təhdid deyil, həqiqətdir. Trampla oyun oynaya biləcəyini düşünürsə, bundan ən böyük zərəri özü görər”.
