Bu gün Milli QHT Forumu Qəbələ Regional QHT-lərin Resurs və Təlim Mərkəzində Qeyri-Hökumət Təşkilatlarına Dövlət Dəstəyi Şurasının tədbirlər planı əsasında QHT-lərin müsbət təcrübəsinə həsr olunmuş müzakirə və debatlar keçirilib. Şuranın baş mühasibi Tofiq Həsənov, MQF-nin Qəbələ Regional QHT-lərin Resurs və Təlim Mərkəzinin direktoru Qalib Nəbiyev, Qəbələ RQRTM-in əhatə dairəsində olan rayonlarda qeydiyyatda olan QHT-lərin və Qəbələ şəhər ictimaiyyətinin 30 nəfərdən çox nümayəndəsi iştirak edib.
MQF Qəbələ Regional QHT-lərin Resurs və Təlim Mərkəzinin mətbuat xidmətindən verilən məlumata görə Tofiq Həsənov tədbirin mahiyyəti haqda iştirakçılara məlumat verib və bundan sonra belə görüşlərin mütəmadi olaraq keçiriləcəyini qeyd edib.
Qərara alınıb ki, bu il Qəbələ QHT-ləri tərəfindən son 5 ildə həyata keçirilmiş layihələr və digər fəaliyyətlər nəticəsində toplanmış təcrübə və əldə edilmiş uğurlar barəsində hər bir QHT və mərkəzi QHT-lərin yerli şöbələri tərəfindən hesabatlar hazırlanaraq Qəbələ RQRTM-inə təqdim edilsin.
Modern.az
