ABŞ Ədliyyə Nazirliyi Nyu-York Məhkəməsinin prezident Donald Tramp haqda verdiyi qərarı apelyasiya məhkəməsinə şikayət edib.
Modern.az “Politico” nəşrinə istinadən xəbər verir ki, nazirlik məhkəmənin Trampın öz “Twitter” hesabında bloka saldığı oxucularını blokdan çıxarması ilə bağlı qərarını şikayət edib.
Qəzetin bildirdiyinə görə Nazirliyin üç nümayəndəsi bazar ertəsi axşamı Trump və Ağ Evin sosial şəbəkələrinin direktoru Dan Skavino adına ikinci rayon Apelyasiya Məhkəməsinə müraciət edib.
Bundan əvvəl də Manhetten federal məhkəməsi də analoji qərar qəbul edib. Hakim Naomi Buxvald Trampın fərdi şəxsləri öz “Twitter” hesabında bloka salmasını ABŞ Konstitusiyasına Birinci Düzəlişi pozduğunun bildirib.
Əvəz ZEYNALOV
