Avtomobilin naməlum səbəbdən supermarketə çırpılması nəticəsində 14 nəfər xəsarət alıb. Modern.az xarici mediaya istinadən xəbər verir ki, hadisə Yaponiyanın Sibukava şəhərində qeydə alınıb.
Yerli polisin məlumatına əsasən, insident yerli vaxtla təxminən saat 16:00-da baş verib. Avtomobili 55 yaşlı kişinin idarə etdiyi bildirilir.
Xəsarət alanların 9-nun vəziyyəti ağır, 5-nin isə orta ağır kimi dəyərləndirilir.
İnsidentin səbəbi araşdırılır. Digər təfərrüatlar barədə məlumat verilmir.
