Bu gün Müasir Müsavat Partiyasının Mərkəzi Qərargahında partiyanın İdarə Heyətinin növbəti toplantısı keçirilib. Partiyanın mətbuat xidmətindən Modern.az-a verilən məlumatına görə, toplantıda son günlər ölkədə və dünyada baş verən hadisələr müzakirə edilib. Eyni zamanda son günlər rayon təşkilatlarında təmizləmə əməliyyatı aparan partiya yeni qərarlar qəbul etmək üçün müzakirələrə başlayıb.
Məlumatda o da qeyd edilib ki, müzakirələr zamanı ilk alınan qərar partiyanın strukturunda yeni, gündəmə uyğun dəyişikliklər və yeniliklər olub.
“Fəaliyyəti dövründə Qərbi Azərbaycan məsələsində həmişə siyasi dəstəyini əsirgəməyən partiya həmin regiondan olan üzvlərinin saysız şıkayətinə, ölkədə onlara qarşı yaradılan təzyiqlərə, represiyalara, haqsızlıqların qarşısının alınmasına, həmçinin Qərbi azərbaycanlıların pərakəndəlikdən qurtulub bir araya toplanmasına kömək məqsədi ilə yeni bir şöbə yaratmağa qərar verib. Beləliklə MMP –də Qərbi Azərbaycanlıların yaddan çıxmış problemlərinin həlli və siyasi baxımdan proseslərə müdaxilə etmək gücünü bərpa etmək niyyəti ilə Qərbi azərbaycanlılarla iş üzr’ şöbə yaradılıb”.
Partiyanın mətbuat xidmətinin məlumatına görə, yaxın günlərdə MMP-də daha bir neçə ciddi qərarlar veriləcəyi gözlənilir.
Modern.az
