Son sutka ərzində Hindistanın şimalındakı Uttar-Pradeş ştatında 16 nəfər leysan yağışların qurbanı olub. Modern.az xarici mediaya istinadən xəbər verir ki, hadisə nəticəsində daha 12 nəfər ağır xəsarətlər alıb.
Yerli hakimiyyət orqanlarının məlumatına görə, ölənlərdən 6 nəfəri ildırımın qurbanı olub. Digərləri isə torpaq sürüşməsinin və kənddə ağacın evin damı üstünə aşması nəticəsində ölüblər.
Regionda təbii hadisə nəticəsində ümumilikdə 460-dan çox ev zərər çəkib. Hindistanda musson yağışlar iyundan sentyabrın ortalarına qədər davam edir.
Rəsmi məlumata görə, bu il 1000-dən çox insan leysan yağışların qurbanı olub.
