Dünyada ən populyar kriptovalyuta olan bitkoin bahalaşır. Modern.az “Trend”ə istinadən xəbər verir ki, bitkoin 7,2 min dollar ətrafında alınıb satılır.
"CoinMarketCap" portalının məlumatına əsasən, bitkoinin qiyməti son sutka ərzində 0,62% artaraq 7,276 min dollar təşkil edib.
Alternativ kriptovalyutaların qiyməti isə ucuzlaşıb. Belə ki, "Ethereum" 1,53% və ya 285,54 dollaradək, "Ripple" 1,44% (0,333 dollara qədər), "Bitcoin Cash" isə 0,26% (625,86 dollaradək) ucuzlaşıb.
Kriptovalyuta bazarının kapitallaşması hazırda 236 milyard dollar təşkil edir və bunun 53% faizi bitkoinin payına düşür.
