Nigeriyada daşqınlar faciəyə səbəb olub. Modern.az xarici mediaya istinadən xəbər verir ki, hadisə ölkənin Kebbi ştatında qeydə alınıb.
Məlumata görə, 10 nəfər daşqınların qurbanı olub.
Bildirilir ki, daşqınlar çərşənbə günü ştatın iki rayonunda baş verib. Ştatın qubernatorunun mətbuat katibi Əbubəkir Dakinqarinin sözlərinə görə, fasiləsiz yağan yağışların səbəb olduğu daşqınlar 1 əsgərin və 9 nəfərin ölümünə səbəb olub. Əsgərin bir qadını güclü su axınından xilas etdiyi zaman öldüyü bildirilir.
