İranın ali dini lideri ayətullah Əli Xamenei cümə günü Rusiya prezidenti Vladimir Putin ilə görüşünün yekununda bildirib ki, Tehran və Moskva arasında əməkdaşlığın aspektlərindən biri ABŞ-ın qarşısının alınması ola bilər.
Modern.az-ın məlumatına görə, Virtualaz.org bu barədə "Fars" agentliyinə istinadən xəbər yayıb.
"Hər iki tərəfin əməkdaşlıq edə biləcəyi məsələlərdən biri ABŞ-ın qarşısının alınmasıdır. Çünki Amerika bəşəriyyət üçün təhlükə törədir və bu (əməkdaşlıq) onun qarşısının alınması üçün düşən imkanlardan biridir", - deyə Xamenei bildirib.
Xatırladaq ki, V.Putin və Ə.Xamenei arasında görüş İran dini liderinin Tehrandakı iqamətgahında baş tutub. Xamenei bundan əvvəl Türkiyə prezidenti Rəcəb Tayyib Ərdoğanla görüşüb.
