Liviyada baş verən toqquşmalarda ölənlərin sayı artıb. Modern.az Türkiyə mediasına istinadən xəbər verir ki, paytaxtı Tripolidə bir həftədən çoxdur davam edən silahlı toqquşmalarda 78 nəfər ölüb. Qarşıdurmalarda 300-dən çox insan xəsarət alıb.
Yerli medianın məlumatına görə, hazırda xəstəxanalarda 210-dan çox zərərçəkən müalicə olunur. 103 nəfər ilk tibbi yardımı aldıqdan sonra tibb müəssisələrini tərk ediblər. Həmçinin bildirilir ki, daha 16 nəfər itkin düşüb.
Tripolidə toqquşmalar avqustun 26-da başlayıb. Qarşıdurmalarda bir tərəfdən 7-ci piyada briqadası, digər tərəfdən isə "Tripoli inqilabçıları" batalyonunun bölmələri iştirak edir.
