ABŞ-ın Corciya ştatında Tumsboro adlı şəhər satışa çıxarılıb. Modern.az xəbər verir ki, bu barədə “Craigslist” saytında elan yerləşdirilib.
Məlumata görə, şəhərlə birlikdə alıcı nəinki yaşayış evlərini, eyni zamanda restoranları, otelləri və hətta opera teatrını da əldə edəcək. Şəhərin qiyməti 1,7 milyon dollar müəyyən olunub ki, bu da Nyu-Yorkun nüfuzlu rayonlarında adi mənzilin qiymətinə bərabərdir.
Tumsboro XIX əsrin ikinci yarısında yaranıb. 2000-ci ildə əhalinin siyahıya alınması zamanı şəhərdə 472 nəfərin yaşadığı müəyyən olunmuşdu.
