Hüquq müdafiəçisi Koray Tarqayla görüşündə Azərbaycanın ATƏT qarşısındakı öhdəliklərinin icra vəziyyətindən danışıb
Siyasi və Mülki Hüquqları Müdafiə Mərkəzinin direktoru Pərviz Həşimli ATƏT-in Bakı Ofisinin yeni rəhbəri səfir Koray Tarqayla görüşüb.
Hüquq müdafiəçisinin verdiyi məlumata görə görüş tanışlıq xarakteri daşıyıb: «Bununla belə Azərbaycanda insan hüquq və azadlıqları sahəsində vəziyyətə toxunduq. Azərbaycanın ATƏT qarşısında üzərinə götürdüyü öhdəliklərin icra vəziyyəti barədə səfiri məlumatlandırdım. Həmçinin, vəkillərə qarşı təzyiqlər, «Xural» qəzetinin əmlakının müsadirə olunması, 2 aprel məhbuslarının taleyi barədə də müzakirələrimiz oldu».
P.Həşimlinin sözlərinə görə, ATƏT-in yeni səfiri ölkəmizdəki prosesləri diqqətlə izlədiyini deyib.
Modern.az
