Britaniyanın paytaxtı Londonda “People’s Vote” (Xalq Səsverməsi) adlı aksiya keçirilib. Modern.az xarici mediaya istinadən xəbər verir ki, aksiyada iştirak edən yarım milyon insan “Brexit”lə bağlı son razılıq üçün ikinci referendumun keçirilməsini tələb edib.
Aksiya iştirakçıları əllərində “Biz Avropa İttifaqından çıxmaq istəmirik”, “Tereza Meyə yox!”, “Avropa İttifaı ilə daha güclüyük”, “Gənclər "Brexit"ə qarşıdır”, “Bizə son sözü demək haqqı tanıyın” – şüarları olan plakatlarla “Park Lane”dən Hökumət evinin olduğu “Westminister” ərazinə doğru yürüyüş ediblər.
