Bu gün Azərbaycan Premyer Liqasının 10-cü turunun növbəti oyununda “Qarabağ” və “Sumqayıt” komandaları qarşılaşıblar. Modern.az xəbər verir ki, Tofiq Bəhramov adına Respublika stadionunda keçirilən oyun ağdamlıların 2:0 hesablı qələbəsi ilə başa çatıb. Ağdam təmsilçisinin heyətində Simon Slavçev (25), Con Delarj (57) fərqləniblər. Bu qələbədən sonra xal ehtiyatını 25-ə çatdıran “Qarabağ” ikinci sıradakı mövqeyini qoruyub. Sumqayıtlılar isə 11 xalla 5-ci yerdə qərarlaşıblar.
Qeyd edək ki, Ağdam təmsilçisinin ev oyunlarını keçirdiyi “Azərsun Arena”nın işıqlandırma sistemində problem yarandığından görüş Respublika Stadionunda keçirilib.
