Yunanıstana aid bir hərbi araşdırma gəmisi Quşadası Köfhəzində görülüb. Modern.az xəbər verir ki, Yunanıstanın Sisam adasından hərəkət edən Yunanıstanın hərbi tədqiqat gəmisi bir müddət beynəlxalq sularda olub. Daha sonra Quşadasının “Qadınlar” dənizinin sularında müşahidəsini davam etdirərək Türkiyə sularına girib.
Yunanıstanın hərbi araşdırma gəmisinin Türkiyənin ərazi sularına girdiyi anın koordinatları radar tərəfindən təsbit edilib. Türk Sahil Təhlükəsizlik komandaları bölgəyə hərəkət etməsindən sonra Yunanıstanın hərbi araşdırma gəmisi Türkiyə sularından çıxıb.
