2018-ci ilin yanvar-sentyabr ayları ərzində Ədliyyə Nazirliyinin rayon (şəhər) qeydiyyat şöbələri tərəfindən 103 371 doğulan körpə qeydə alınıb.
Modern.az-ın məlumatına görə, bu barədə Dövlət Statistika Komitəsindən bildirilib. Bu göstərici əhalinin hər 1000 nəfərinə 14,1 doğum təşkil edib.
Qeyd edək ki, doğulan körpələrdən 1962-si əkiz, 84-ü isə üçəm olub.
Rəsmi məlumata görə, Azərbaycanda uşaq doğmaq qabiliyyətinə malik olan hər bir qadına bütün ömrü boyu 1,9 uşaq düşərək əhalinin təkrar istehsalı təmin olunur.
