“Hələ ki, istirahət edirəm. Həyat davam edir”. Bu sözləri Modern.az-a açıqlamasında Qaçqınların və Məcburi Köçkünlərin işləri üzrə Dövlət Komitəsinin keçmiş sədr müavini Gəray Fərhadov deyib.
Gəray Fərhadov vəzifəsindən azad olunması ilə bağlı da danışıb:
“Səhhətim və müəyyən problemlərlə əlaqədar könüllü olaraq ərizə yazdım. İşdən çıxarılma səbəbim məhz budur. Mənim işlədiyim zamanda heç bir şəxslə bağlı narazılığım, problemim olmayıb”.
Qeyd edək ki, Prezident İlham Əliyevin bir neçə gün öncə imzaladığı müvafiq sərəncamla Qaçqınların və Məcburi Köçkünlərin işləri üzrə Dövlət Komitəsinin sədr müavini Gəray Fərhadov vəzifəsindən azad edilib.
Digər sərəncamla Sabir Əhmədov Qaçqınların və Məcburi Köçkünlərin işləri üzrə Dövlət Komitəsi sədrinin müavini vəzifəsinə gətirilib.
