Türkiyənin Van bölgəsində dalbadal yeni zəlzələlər baş verib. Noyabrın 9-da axşam saatlarında qeydə alınan 5,7 ballıq yeraltı təkanlar yenə dağıntılara, ölümlərə yol açıb.
Modern.az “Milliyət”ə istinadən bildirir ki, ötən gecə baş vermiş zəlzələ nəticəsində 25 bina dağılıb, 7 nəfər ölüb, 50-dən çox insan yaralanıb. Son məlumata görə, 23 nəfər dağıntılar altından sağ çıxarılıb.
Dağılan binalardan biri jurnalistlərin və xilasedicilərin qaldığı “Bayram” otelidir.
Daha öncə. oktyabrın 23-də Vanda baş vermiş 7,2 ballıq zəlzələ nəticəsində 600-ə yaxın insan həlak olub, on minlərlə insan ev-eşiyini itirib.
Modern.az
