Kanada hökuməti jurnalist Camal Qaşıqçının qətlə yetirilməsi ilə bağlı şübhəli sayılanlara sanksiya tətbiq edib. Modern.az xarici mediaya istinadən xəbər verir ki, bununla bağlı ölkənin Xarici İşlər Nazirliyi məlumat yayıb.
Məlumatda bildirilir ki, Səudiyyə Ərəbistanının 17 təbəəsinə qarşı sanksiya tətbiq edilib.
Qeyd edək ki, “Vaşinqton post” qəzetinin əməkdaşı C.Qaşıqçı bu il oktyabrın 2-də Səudiyyə Ərəbistanının İstanbuldakı Baş Konsulluğunda öldürülüb. İndiyədək onun meyiti tapılmır.
