Gürcüstanın baş naziri Mamuka Baxtadze ölkədə yeni inqilabın baş verməsinə imkan verməyəcəklərini deyib.
Modern.az Gürcüstan KİV-nə istinadən xəbər verir ki, o, bu açıqlamanı seçkilərin nəticələrini tanımaqdan imtina edən “Vahid Milli Hərəkat” partiyasının bazar günü Tbilisinin mərkəzində planlaşdırdığı mitinqlə bağlı verib.
"İmkan vermərik ki, məsuliyyətsiz liderlərə görə vətəndaşlarımızın həyatı təhlükə altına düşsün. Seçkilər bitdi və ölkə normal həyat ritminə dönməlidir”.
Xatırladaq ki, Salome Zurabişvili 59,52% səs toplayaraq Gürcüstanın 6 il müddətinə yeni prezidenti seçilib.
