Bakının Nərimanov rayonun ərazisində yeni zibil qutuları qoyulub. Bakı Şəhər Mənzil-Kommunal Təsərrüfatı Departamentindən Modern.az-ın sorğusuna cavab olaraq bildirilib ki, yeni zibil qutuları paytaxtdakı mövcud vəziyyətlə bağlı vətəndaş narazılıqlarının aradan qaldırılmasına xidmət edir:
“Hazırda zibil qutuları çatışmayan ərazilərdə yeniləri qoyulur. Növbəti ildən isə şəhər ərazisindəki bütün köhnə zibil qutuları yenilərilə əvəzlənəcək”.
Rəsmi məlumatda o da bildirilib ki, indiki halda bir neçə zibil qutusu forması üzərində müzakirələr aparılır:
“Hansı rəng və forma daha uyğun olacaqsa, onlar da müəyyən olunmuş yerlərdə qoyulacaq. İlkin olaraq isə zibil qutuları çatışmayan ərazilərdən başlanacaq”.
